Skip Ribbon Commands
Skip to main content

Contact

  • +27 21 950 2548
Back

Email

Skip Navigation LinksMedia Centre
 

Vinnige Vragies vir Jou Mediese Dekking

11 November 2021

As jy in Suid-Afrika woon, is een van die uitdagings dat jy gewoonlik self vir mediese dekking van ’n hoë gehalte moet betaal as jy dit verlang.

Mediese sorg is duur en uiters ingewikkeld. Selfs vir eenvoudige hospitalisasie of skanderings is daar verskeie diensverskaffers in die gesondheidsketting, en almal moet vergoed word. Ons vind ook toenemend dat vroeë opsporing en behandeling in die geval van die meeste diagnoses baie voordelig is. Vinnige en gepaste toegang kan baie belangrik wees vir jou herstel.

Met dit in gedagte, gee ons hier ’n paar van SFP se vinnige vragies vir jou mediese dekking.

Voordat jy na dekking kyk, moet jy weet watter soort plan jy graag wil hê en kan bekostig. Teen die einde van die jaar laat die meeste verskaffers hul kliënte toe om hul planne op te gradeer en dit is gewoonlik die enigste keer wat ’n opgradering toegelaat word.

Daar is drie hoofsoorte planne:

  1. Hospitaalplanne — met ’n keuse van verskaffernetwerke of vrye keuse
  2. Algemene dekkingsplanne — bied jou voordele wanneer jy in die hospitaal opgeneem word en ook ’n paar buitehospitaalvoordele
  3. Omvattende planne — bied voordele in die hospitaal en omvattende buitehospitaalvoordele

Met dit in gedagte is die eerste vinnige vragie wat jy oor jou voorkeurplan moet vra:

Het ek ’n onafhanklike finansiële adviseur geraadpleeg?

Met ongeveer 20 produkverskaffers, elk met verskeie plankeuses, het jy meer as 100 opsies. Dit is noodsaaklik om ’n onafhanklike finansiële adviseur te raadpleeg om te verseker dat jy die beste produkverskaffer en plan vir jou en jou gesin kies.

’n SFP onafhanklike adviseur sal jou ook met die tweede vinnige vragie help:

Kan ek dit bekostig?

Volledige mediese dekking kan duur wees, en as jy dit nie kan bekostig nie, kan jy dit nie bekostig nie. As jy ’n maandelikse inkomste van R10,000 verdien (en die meeste daarvan vir uitgawes aanwend), kan jy dalk nie R7,000 aan mediese dekking bestee nie.

Dit moet by jou finansiële plan inpas en is ’n fundamentele deel van jou portefeulje.

Nog vrae wat jy moet vra:

Watter uitsluitings raak my?

Onmiddellike uitsluitings kan verhoed dat jy vir ’n beperkte tydperk (gewoonlik nie meer as een jaar nie) vir sekere toestande kan eis. Maak seker jy is bewus van hierdie moontlike uitsluitings voordat jy jou finale keuse maak. As jy nie direk van ’n ander skema af kom nie en nou vir die eerste keer aansluit, kan jy moontlik ook nie in die eerste drie maande vir daaglikse uitgawes eis nie.

Wat is die algehele hospitaalperke?

Indien ’n skema sy hospitaaluitbetalings tot R700,000 per gesin per jaar beperk, wat sal gebeur as julle almal in dieselfde ongeluk is? Jou SFP finansiële adviseur kan jou help om die risiko teen die kostes op te weeg en die beste keuse vir jou persoonlike situasie te maak.

In sekere gevalle kan jy moontlik ’n beter transaksie vir jou hele portefeulje beklink as jy die verskaffer van jou mediese dekking met jou ander risikoverskaffers integreer. Jou finansiële adviseur sal ook hierna oplet en jou dienooreenkomstig adviseer.

Party mediese skemas is soortgelyk aan versekeringsmaatskappye en verskaf medieseskemaprodukte, motorversekering, lewensversekering en beleggingsprodukte. Regtens mag mediese skemas nie hul maandelikse bydraes verminder deur produkte saam te groepeer of te integreer nie. Sekere maatskappye verdiskonteer lewensversekeringsprodukte wanneer lede se gesondheidsvoordele by dieselfde maatskappy is en hulle sekere gesondheidsuitkomstes behaal.

Sanlam Life Insurance is a licensed financial service provider.
Copyright © Sanlam