Skip Ribbon Commands
Skip to main content

Contact

  • +27 21 950 2548
Back

Email

Skip Navigation LinksMedia Centre
 

Wat Is Jou Waardes?

13 July 2020

Die wyse waarop ons met geld omgaan, is gegrond op ons ingesteldheid teenoor geld, wat gewoonlik voortspruit uit die manier waarop ons gesin geld hanteer het toe ons grootgeword het.

Baie mense probeer finansiële probleme vir hul gesin wegsteek of self die probleem vermy. Om ’n probleem te ignoreer, laat dit egter selde verdwyn. Finansiële onsekerheid is ongemaklik, maar dit is belangrik om realisties na jou situasie te kyk en aktief oplossings vir jou probleme te probeer vind.

Finansiële besluite raak die hele gesin, en as sodanig behoort die hele gesin (minstens gedeeltelik) op hoogte gehou te word van doelwitte, bekommernisse en bestedingsprioriteite.

Deur hulle by die besluitnemingsproses te betrek, gee jy leiding vir soortgelyke situasies in die toekoms. ’n Bykomende bonus is dat wanneer mense bewus is van die faktore wat ’n besluit beïnvloed, hulle meer gewillig is om die keuse wat volg, te aanvaar. Maak seker jy luister na enige insette van jou gesinslede – die fokus is daarop om mekaar te ondersteun.

Konsensus is ’n belangrike faktor vir doeltreffende gesinsleierskap. Dit skep ’n gemeenskaplike verbintenis tot ’n kollektiewe toekoms.

’n Finansieel bevoegde gesin is een wat kennis dra van die bepaling van risiko en wat bewus is van hoe hul besluite diegene om hulle raak. Per slot van rekening skep die besluite wat jy neem ’n finansiële nalatenskap, nie net wat welvaart betref nie, maar ook wat betref die finansiële besluitnemingsproses wat jy oordra.

Daar is drie dinge wat jy kan oorweeg wanneer jy hierdie gesprekke met jou gesin voer:

  • Hoe het jou ouers met geld gewerk en wat was jou ervaring in jou kinderjare?
  • Wie is tans van jou afhanklik? (Dit kan jou kinders, lewensmaat en ouers wees.)
  • Wat is jou toekomstige verantwoordelikhede? (Opvoeding, reis, aftrede, ens.)

’n Nalatenskap word te dikwels beskou as net ’n begrip wat met fisiese welvaart en die verlede verband hou. Hierdie passiewe beskouing van nalatenskap sien dit nie as ’n lewende begrip verbonde aan persoonlike geskiedenisse, gesinsgedrag en finansiële patrone nie. Dis belangrik om te onthou waar ons vandaan kom en terselfdertyd in voeling te bly met wat tans aan die gebeur is en ’n oog te hou op waarheen ons op pad is.

’n Blywende gesinsnalatenskap kan slegs gebou word wanneer alle lede saamstem oor die grondbeginsels wat hul oortuigings, houdings en gedrag ondersteun. Nalantenskap omvat alles wat ’n gesin vir die toekoms wil bewaar – die geskiedenis, waardes en kennis wat net so belangrik soos ’n gesin se finansiële bates is.

Dit is nie altyd maklik om op hierdie reis onpartydig te wees en ’n betroubare, objektiewe siening te hê nie. Laat ons jou help om die lewensduur van jou gesin se welvaart en waardes te verseker.

Sanlam Life Insurance is a licensed financial service provider.
Copyright © Sanlam